كلية تربية دمياط
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

كلية تربية دمياط

منتديات كلية تربية دمياط
 
الرئيسيةالبوابةأحدث الصورالتسجيلدخول

 

 مش باقى منى

اذهب الى الأسفل 
3 مشترك
كاتب الموضوعرسالة
valentino010




عدد المساهمات : 7
تاريخ التسجيل : 18/06/2009

مش باقى منى Empty
مُساهمةموضوع: مش باقى منى   مش باقى منى Icon_minitimeالخميس يونيو 18, 2009 1:28 pm

مش باقي منى غير شوية ضى في عنيا

انا حدهملك وامشي بصبري في الملكوت
يمكن في نورهم تلمحي خطوة تفرق معاكى بين الحياة والموت

مش باقي منى غير شوية نبض في عروقي خدي وعيشي

وافتح لي تابوت افرح بريحه ورد فرعوني وربنا في عوني

إذا دخلت الجنة ولا النار حشتاق لضحكتك وقعدتى في الدار

والقهوة متحوجه من طيبة العطار

في كل يوم الصبح اشرب حليب قبطي

وفى النهار والمسا امسك ستار الكعبة لو سبتي

واثبت اذا هربتى

اهديكى عمري وحسي وجوارحي

اهديكى جرحى هو إلى باقي في دنيتي لما خلص فرحى

مش باقي منى غير شوية لحم في كتافى

بلاش يتبعثروا في البحر

بلاش يتحرقوا في قطر الصعيد في العيد

بلاش لكلب الصيد تنوليهم

خدي إلى باقي من الأمل فيهم

وابنيلى من عظمهم في كل حارة مقام

وزورينى مرة وحيده لو كل ألفين عام

الم الجراح يتلم

مش باقي منى غير شوية دم

متلوثين بالهم مرين وفيهم سم

كانوا زمان شربات والنكتة سكرهم

شربتهم الخفافيش في الب أوكرهم

مش باقي منى غير شوية دم مقدرش اسقيكى مواجعهم

ويرضوا مقدرش ارميكى وأبعهم

يمكن في مرة تعوز تطلبيني شهيد

حاحتاج يميها الدم يمضى على شهدتى

مش باقي منى غير شوية قوة في إرادتي

على شوية شعر من خطى

حسبي عليهم وأنت بتخطي

وأنت في صبح الدلال بتعطري شطي

مش باقي غير شوية ضى في عنيا

انأ مش عاوزهم

لو كنت يوم حالمحك وأنت بتوطى

في معركة مفيهاش ولا طيارات ولا جيش

وأنت في طابور العيش

بتبوسى أيد الزمن ينولك لقمة من حقك المشروع

مش باقي منى غير شهقة

شهقة في نفس مقطوع

بفتح لها سكة ما بين رئة وضلوع

ما بين غبار ودموع

وأنا تحت حجر المقطم في الدويئة بموت

أنا والعطش والجوع

يئن تحتي التراب

وأنا صوتي مش مسموع

يا حلمنا الموجوع من المرور ممنوع

مستني لما يمر موكب سلاطينك

مش باقي منى غير شوية رحمة من طينك

على شوية صبر من دينك

مش باقي منى غير حبة غنى تايهين

في الضلمة مش لاقين حس الفواعلية

ولا صوت مركبي عفي فوق المعدية

ولا صوت بناتي العذارى في كل صبحيه

والغنوه أمنية يما نفسي أقابل حبيبي

وأنا على الزراعية صوتك وصوتهم غاب

وأنا تحت حجر المقطم بموت لوحدية

الليلية راحت عيوني تطل على البستان

وجناين الرمان رجعت لي توصف عناد الغل والدخان

وسحابة سوده تضلل على غُنى الغلبان

رجعت لي توصف هبوب الموت على الألوان

رجعت لي توصف خيال الزُل في موائد الرحمن

مش باقي منى غير شوية كفر بشروقك

وأنا منبع الإيمان

مش باقي منى غير شوية ضى

وعنيا مش قادرة تلمحك

في وحدتي محنى

خايف أموت من الخوف والضعف يفضحني

السجن عشش في قلبي وماشى في شوارعك

نفس إلى بعني وخدعني بالرخيص بيعك

أشيل حمولى أنا ولا أشيل حملك

ماعدت املك شيء فيكى ولا فيا

ولا قيراط ولا بيت

ولا نسمة صافية تلاغى النيل بحريه

مش باقي منى غير شوية حب جرحني

ولا باقي منى غير شوية ضى في عنيا

الرجوع الى أعلى الصفحة اذهب الى الأسفل
roooozy

roooozy


عدد المساهمات : 9
تاريخ التسجيل : 18/06/2009
العمر : 32

مش باقى منى Empty
مُساهمةموضوع: رد: مش باقى منى   مش باقى منى Icon_minitimeالخميس يونيو 18, 2009 3:49 pm

[center]جاااااااااااامد جدا يافلنتينو
يسلمو ايديك
الرجوع الى أعلى الصفحة اذهب الى الأسفل
bidopasha

bidopasha


عدد المساهمات : 11
تاريخ التسجيل : 18/06/2009
العمر : 33
الموقع : www.teggara.hooxs.com

مش باقى منى Empty
مُساهمةموضوع: رد: مش باقى منى   مش باقى منى Icon_minitimeالثلاثاء يونيو 23, 2009 4:02 am

gamel gedan ya vlentino
teslaaam
الرجوع الى أعلى الصفحة اذهب الى الأسفل
http://www.teggara.hooxs.com
 
مش باقى منى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كلية تربية دمياط :: الشعر والمقال :: شعر ومقال-
انتقل الى: